Ang “Koho Akashi” ay isang pahayagan na inilathala ng Akashi City. Lumalabas ito tuwing ika-1 buwan buwan. Nakasulat rito ang iba`t ibang mahahalagang anunsyo, kabilang sa mga ito, ay mga bagay na kapaki-pakinabang na bagay na nakasalin sa wikang Hapon.
Setyembre 2026
Magbabago ang patakaran sa pagtatapon ng basura
Simula Marso 1, 2027, kapag magtatapon ng nasusunog na basura, kailangan gamitin ang itinalagang supot ng lungsod ng Akashi (tinatawag na “supot na itinakda”).
Ang paggamit ng “supot na itinakda” ay para mas maging maingat ang lahat sa pagsunod sa mga patakaran sa pagtatapon ng basura.
Magbabago rin ang kulay ng mga supot para sa lata, bote, pet bottle, at hindi-nasusunog na basura.
Mula Setyembre 1 hanggang Pebrero 28, 2027 ay panahon ng paghahanda upang masanay sa paggamit ng “supot na itinakda”.
Simula Marso 1 ng susunod na taon, gamitin ang bagong supot kapag magtatapon ng nasusunog na basura.
Hanggang Pebrero ng susunod na taon, maaari pa ring gamitin ang dating supot para sa nasusunog na basura.
Gamitin lahat ng asul na supot na mayroon kayo bago sumapit ang Pebrero 28, 2027.
＊Ang kulay ng “supot na itinakda” ay mint green.
Pakitingnan ang larawan sa kanan.
Supot para sa nasusunog na basura
●Mula Setyembre, mabibili ang “supot na itinakda” sa mga supermarket, home center, at drugstore sa Lungsod ng Akashi.(Nag-iiba ang presyo depende sa tindahan.)
■ Mga tuntunin simula Marso 1, 2027
➀ Kapag magtatapon ng nasusunog na basura, gamitin ang “supot na itinakda”.
➁ Para sa lata, bote, at pet bottle, gamitin ang transparent o semi-transparent na supot.
Ang transparent na supot ay iyong malinaw na nakikita ang laman.
Ang semi-transparent na supot ay iyong bahagyang nakikita ang laman.
➂ Para sa hindi-nasusunog na basura, gamitin pa rin ang transparent o semi-transparent na supot.
Hindi na maaaring gamitin ang asul na supot simula Marso ng susunod na taon.
Hindi rin maaaring gumamit ng puting supot o anumang supot na hindi nakikita ang laman mula sa labas.
Para sa detalye tungkol sa “supot na itinakda”, pakitingnan ang QR code sa kanan.
● Mga tuntunin sa pagtatapon ng basura
Ilabas ang basura bago mag‑alas‑8 ng umaga sa itinakdang araw.
● Paggamit ng mga supot ng basura
〇Maaaring gumamit ng panloob na supot kung bahagya lamang ang hindi nakikita.
Gamitin ang panloob na supot para sa mga basurang ayaw ipakita.
× Bawal kung ang lahat ng basura ay hindi nakikita dahil sa panloob na supot.
× Simula Marso 1 ng susunod na taon, bawal magtapon ng basura gamit ang puti o asul na supot na hindi nakikita ang laman.
× Bawal magtapon ng basura gamit ang karton o sako ng bigas.
＊Hindi kokolektahin ng Lungsod ng Akashi ang basurang hindi itinapon ayon sa mga tuntunin.
Para sa mga katanungan, makipag‑ugnayan sa Resource Recycling Division.
Numero ng telepono: 078-918-5794 FAX：078-918-5793
Tumatanggap ng mga batang gustong gumamit ng “After‑school Child Club” ngayong bakasyon sa taglamig.
Ang “After‑school Child Club” ay lugar kung saan maaaring manatiling ligtas ang mga bata pagkatapos ng klase sa elementarya.
Ang “After‑school Child Club” ay mayroon sa lahat ng paaralang elementarya sa Lungsod ng Akashi.
Maaaring gamitin lamang ang club ng paaralang pinapasukan ng bata.
Nagtatanggap ng mga batang gustong gumamit ng “After‑school Child Club” ngayong bakasyon sa taglamig.
Para kanino: Mga batang elementarya na walang magulang sa bahay sa araw dahil sa trabaho.
Panahon: Mula Disyembre 21 hanggang Enero 9 ng susunod na taon.
Sarado tuwing Linggo, pista opisyal, at mula Disyembre 29 hanggang Enero 3.
Oras: 8:30 a.m. hanggang 5:00 p.m.
Kung nais, maaaring gumamit mula 8:00 a.m. hanggang 7:00 p.m. (hanggang 5:00 p.m. tuwing Sabado).
Kung nagnanais gumamit, mag‑apply mula Oktubre 1 hanggang Oktubre 9.
Para sa detalye, pakibasa ang “Mga Panuntunan sa Pag‑aapply”. Kunín ang “Mga Panuntunan sa Pag‑apply” sa After‑school Child Club.
Kapag maraming mag‑aapply, maaaring hindi mapili ang ilan.
Ipapaalam sa pamamagitan ng koreo bago mag‑unang bahagi ng Nobyembre kung maaaring gumamit o hindi.
Para sa detalye, pakitingnan ang QR code sa kanan.
Para sa mga katanungan, makipag‑ugnayan sa Child Foundation – After‑school Club Section.
Numero ng telepono： 078-915-8170 FAX：078-915-8175
Makipagtulungan sa pagtitipid ng tubig.
Mas maaga natapos ang tag‑ulan ngayong taon, at kakaunti rin ang ulan.Dahil dito, nagkukulang ang suplay ng tubig.Kapag lalo pang bumaba ang antas ng tubig, maaaring tumigil ang paglabas ng tubig sa gripo.Mag‑ingat at magtipid ng tubig nang higit kaysa dati.
Mga paraan ng pagtitipid ng tubig sa bahay:
・Huwag hayaang umagos ang tubig nang walang dahilan.
・Hugasan ang gulay at pinggan gamit ang nakalap na tubig.
・Maglaba ng maramihan sa isang salangan lang.
・Gamitin ang tubig sa paliguan para sa paglalaba at iba pang gawain.
Para sa mga katanungan, makipag‑ugnayan sa Water Management Division.
Numero ng telepono: 078-918-5064 FAX：078-911-4066
Paunawa tungkol sa “Survey na may regalo”.
Ang survey ay pagtatanong ng parehong katanungan sa maraming tao upang makuha ang kanilang opinyon.
Magsasagawa ang Lungsod ng Akashi ng survey upang marinig ang opinyon ng mga residente.
Tanging mga nakatira sa Lungsod ng Akashi lamang ang maaaring sumagot.
Bawat buwan, may QR code sa “Kōhō Akashi” para sa pagsagot sa survey.
Kapag sumagot sa survey, maaaring manalo ng regalo sa pamamagitan ng bunutan.
Ang mga mapipili sa bunutan ay makatatanggap ng email at “voucher”.
Ang voucher ay maaaring ipalit sa produkto o serbisyo.
Nagbabago ang uri ng regalo bawat buwan.
Ngayong buwan, isang pirasong “Macaron on a stick – Four Seasons” mula sa tindahang “Iroha no Oto.”
Sampung tao ang mananalo ng voucher sa bunutan.
Sumagot sa survey bago mag‑Setyembre 18.
Para sa detalye tungkol sa tindahan, pakitingnan ang QR code sa ibaba.
Para sa mga tanong, makipag‑ugnayan sa Public Relations Division.
Numero ng telepono: 078-918-5001 FAX：078-918-5101
